Programmi

 

L’AUTOR A L’AUTOR

Michele Angelo Brofferio

 

Par còs’elo ch’it sagrin-e

dle ingiustissie dël destìn?

Eduché vuesto le spin-e?

Slonghè ‘l bèch ai canarìn?

Gavè ‘d sangh da j’articiòch?

Trovè ëd spirit ai fabiòch?

Stat-ne sol ant tò canton,

guarda ‘l mond e fa d’canson.

 

It l’has pro vist le glorie uman-e

dal finestron dij catafus,

a l’è temp ch’i t’alontan-e

e chi’t rije da un përtus.

Dësmentià, ma indipendent,

fier e liber e content.

Stat-ne sol ant tò canton,

guarda ‘l mond e fa d’canson.